Stjórnsýsluréttur

Ráðgjöfin getur meðal annars varðað leyfismál, þátttöku í opinberum innkaupum, mat á rétti til opinberrar þjónustu, samskipti við úrskurðarnefndir og kvartanir til umboðsmanns Alþingis.

Mörkin lögmannsstofa sinnir málum sem snerta stjórnvaldsákvarðanir á sviði velferðarmála, atvinnurekstrar, opinberra starfsmanna, byggingar- og skipulagsmála, sem og á sviði eftirlits.

Áhersla er lögð á að mál séu undirbúin með skipulegum hætti og að málskot byggi á efnislegum sjónarmiðum sem styðjast við stjórnsýslulög og málefnaleg rök.

Markmiðið er að ákvarðanir séu reistar á réttum forsendum og að einstaklingar og fyrirtæki hafi raunhæfar leiðir til endurskoðunar þegar svo er ekki.